నంద, మౌనిక, ఉమ, వాణి నటీనటులుగా అగస్త్యన దర్శకత్వం వహించిన 'సెల్వమ్‌' చిత్రం తెలుగులో 'లక్ష్మీపుత్రుడు' టైటిల్‌తో విడుదలకానుంది. ఎ.రమేశబాబు నిర్మాత. దేవా సంగీతం అందించారు. ఇటీవల హైదరాబాద్‌ ప్రసాద్‌ ప్రివ్యూ థియేటర్‌లో పాటల్ని విడుదల చేశారు. అచ్చిరెడ్డి, ఎస్వీ.కృష్ణారెడ్డి సంయుక్తంగా సీడీలను ఆవిష్కరించారు. నిర్మాత మాట్లాడుతూ ''చక్కని ప్రేమకావ్యమిది. అగస్త్యన తనదైన శైలిలో తెరకెక్కించారు. భారతీబాబు సాహిత్యం, దేవా సంగీతం ఆకట్టుకుంటాయి. ఫిబ్రవరి రెండోవారంలో సినిమాను విడుదల చేస్తాం'' అని తెలిపారు. సాయి వెంకట్‌, రామసత్యనారాయణ, కాశీవిశ్వనాథ్‌; లక్ష్మీనారాయణ, భారతీబాబు తదితరులు ఈ కార్యక్రమంలో పాల్గొన్నారు.