దోహా: మోటరిస్టులు, ట్రాఫిక్‌ సిగ్నల్స్‌ వద్ద మొబైల్‌ ఫోన్‌ని మెసేజ్‌ల కోసమో మిస్డ్‌ కాల్‌ కోసమో, ఇంకో అవసరం కోసమో చెక్‌ చేసుకుంటే 150 ఖతారీ రియాల్స్‌ జరీమానా విధించనున్నట్లు సోషల్‌ మీడియాలో రూమర్స్‌ సర్క్యులేట్‌ అవుతున్నాయి. దీనికి సంబంధించి ఓ ఫొటో కూడా సోషల్‌ మీడియాలో సర్క్యులేట్‌ అవుతోంది. అయితే, ట్రాఫిక్‌ విభాగానికి సంబంధించిన అధికారి ఒకరు ఇది ఫాల్స్‌ రూమర్‌ అని కొట్టి పారేశారు. సోషల్‌ మీడియాలో సర్క్యులేట్‌ అవుతున్న న్యూస్‌, ఫొటో అంతా ఫేక్‌ అని తేల్చారాయన. డ్రైవింగ్‌లో ఉండగా మొబైల్‌ ఫోన్‌ వినియోగించడం నిబంధనలకు విరుద్ధమని ఆయన చెప్పారు. డ్రైవింగ్‌లో ఉన్నప్పుడు మొబైల్‌ ఫోన్‌ని వినియోగించడం ప్రమాదకరమని ఆయన వివరించారు.