దేశమంతటా తీవ్రమైన పొగమంచు తో కూడిన వాతావరణం ఏర్పడి, యూ. ఏ. ఈ. లో ని  కొన్ని ప్రదేశాలలో దృగ్గోచరత 50 మీటర్లకు పడిపోవడం వల్ల దేశ వాతావరణ శాఖ వారు ముందుజాగ్రత్త హెచ్చరికను జారీచేశారు. నేషనల్ సెంటర్ ఫర్ మెటీయరాలజీ అండ్ సెస్‌మాలజీ వారు, (NCMS) దేశంలోని కోస్తా మరియు అంతర్గత ప్రాంతాలలో, దేశ పశ్చిమ ప్రాంతమైన మదినాత్ జాయెద్, లివా మరియు అబుధాబీ లోని మరికొన్ని ప్రాంతాలలో నేడు దట్టమైన పొగమంచు వ్యాప్తించి ఉంటుందని హెచ్చరికలు జారీచేశారు.

దేశ తూర్పు ప్రాంతం లో ఆస్థిరమైన వాతావరణ పరిస్థితులు నెలకొన్నాయి. బుధవారం రాస్-అల్-ఖైమా, ఫ్యుజారీయా లలో వర్షంపాతం అధిక నమోదై, వాడీలు పొంగిపొర్లాయి.  గడచిన 24 గంటల్లో ఈ ప్రాంతాలు విస్తారమైన వర్షపాతాన్ని చవి చూశాయని, NCMS వారు కూడా ధృవీకరించారు; ఇంకా నేడు కూడా ఆకాశం  దట్టమైన మేఘావృతమై, భారీ వర్షాలు పడతాయని సూచన జారీ చేశారు.

--సి.శ్రీ(దుబాయ్)