శివమ్ నైర్ దర్శకత్వం లో తాప్సి , అక్షయ్ కుమార్ , ప్రిథ్వీరాజ్ సుకుమారన్, మనోజ్ బాజ్పాయ్ , అనుపమ్ ఖేర్ ప్రధాన పాత్రలో హిందీ లో తెరకెక్కుతున్న మూవీ నామ్ షబానా. తాజాగా ఈ మూవీ ని తెలుగు లో నేనే షబాన పేరిట డబ్ చేయబోతున్నట్లు ప్రకటించారు.

యాక్షన్ థ్రిల్లర్ గా ఈ మూవీ రాబోతుంది. ఈ చిత్రానికి కథను నీరజ్ పండేయ్ అందించగా ఫ్రైడే ఫిలింవర్క్స్ బ్యానర్ ఫై నీరజ్ పండేయ్ , షీతల్ భాటియా లు భారీ బడ్జెట్ తో నిర్మిస్తున్నారు. 2017 మార్చి 31 న ఈ మూవీ హిందీ తో పాటు తెలుగు లో విడుదల కాబోతుంది. ఇప్పటికే తాప్సి బాలీవుడ్ లో అడుగుపెట్టి వరుస అవకాశాలతో పాటు సక్సెస్ లు చవిచూస్తోంది. ఈ నేపథ్యం లో ఈ మూవీ కూడా తనకు మంచి గుర్తింపు తీసుకొస్తుందని గట్టి నమ్మకం తో ఉంది.
ఇక తెలుగు లో నటించిన ఘాజీ మూవీ ఈ నెల 17 న ప్రేక్షకుల ముందుకు రాబోతుంది. సంకల్ప్ రెడ్డి అనే నూతన దర్శకుడు ఈ మూవీ తో పరిచయం కాబోతున్నాడు. లెఫ్టినెంట్‌ కమాండర్‌ అర్జున్‌ వర్మ పాత్రలో రానా ఈ మూవీ లో నటించాడు.