కావలసిన పదార్థాలు: బాగా పండిన అరటిపళ్లు - 5, బెల్లం తురుము - 2 కప్పులు, నెయ్యి - 2 టేబుల్‌ స్పూన్లు, మైదా - 2 టేబుల్‌ స్పూన్లు, పంచదార - అరకప్పు, యాలకుల పొడి - 1 టీ స్పూను.
తయారుచేసే విధానం: అరటిపళ్లని పలచగా చక్రాల్లా తరిగి, అరకప్పు నీటిలో మెత్తగా ఉడికించి చిదిమి పక్కనుంచాలి. మరో అరకప్పు నీటిలో బెల్లం కరిగించాలి. కడాయిలో నెయ్యి వేసి అరటి గుజ్జుని 6 -7 నిమిషాలు వేగించాలి. తర్వాత బెల్లం నీరు కలిపి చిన్నమంటపై 10 నిమిషాలు కలుపుతూ ఉడికించాలి. మిశ్రమం చిక్కబడిన వెంటనే పంచదార, యాలకులపొడి కలిపి మరో 7 నిమిషాలు ఉంచాలి. ‘గోల్డెన్‌ బ్రౌన్‌’ కలర్‌లోకి వచ్చిన తర్వాత మైదా కలపాలి (తడి పోవడానికి). రెండు నిమిషాల తర్వాత నెయ్యిరాసిన పళ్లెంలో మిశ్రమం సమంగా పరిచి, చల్లారిన తర్వాత ముక్కలుగా కట్‌ చేసుకోవాలి.