మనామా: హెవీ ట్రక్‌ డ్రైవర్‌ ఒకరు, ట్రాఫిక్‌ ఉల్లంఘనల్లో సరికొత్త రికార్డ్‌ సృష్టించాడు. ఏడాదిలో మొత్తం 12 సార్లు పలు రెడ్‌ సిగ్నల్‌ జంపింగ్‌కి పాల్పడ్డాడు. అతనికి లోవర్‌ రకిమినల్‌ కోర్ట్‌ మూడు నెలల జైలు శిక్షతోపాటుగా 500 బహ్రెయినీ దినార్స్‌ జరీమానా కూడా విధించింది. 31 ఏళ్ళ ఆ వ్యక్తి ఆసియాకి చెందినవాడిగా గుర్తించారు. స్థానిక ట్రాన్స్‌పోర్టేషన్‌ కంపెనీలో డ్రైవర్‌గా పనిచేస్తున్నాడాయన. అతని లైసెన్స్‌ని ఏడాదిపాటు సస్పెండ్‌ చేయాలని లోవర్‌ కోర్ట్‌ ఆదేశాలు జారీ చేసింది. ఇంకో వైపున మూడు నెలల జైలు శిక్ష అనంతరం, అతన్ని దేశం నుంచి డిపోర్ట్‌ చేయాలని ఆదేశించింది న్యాయస్థానం.