భారతదేశ సైనికులు ఎదుర్కొంటున్న సమస్యలపై ఫిర్యాదు చేసేందుకు ఏర్పాటు చేసిన వాట్సాప్ నంబర్‌ దుర్వినియోగమవుతోంది. కొందరు జవాన్లు తమ సమస్యలను ఎవరికి చెప్పుకోవాలో తెలియక, సామాజిక మాధ్యమాలను ఆశ్రయించడంతో స్పందించిన ఆర్మీ చీఫ్ బిపిన్ రావత్ +91 9643300008 వాట్సాప్ నంబరును జనవరి 28 నుంచి ప్రారంభించారు. సైనిక వర్గాల సమాచారం ప్రకారం పాకిస్థానీలు ఈ నంబరుకు స్పామ్ మెసేజ్‌లు పంపిస్తున్నారు. పాకిస్థానీలు విపరీతంగా మెసేజ్‌లు పంపిస్తున్నారు. దాదాపు 30 వేలకు పైగా ఇటువంటి మెసేజ్‌లు వచ్చాయని, వీటిలో అత్యధికంగా భారతదేశ వ్యతిరేక సందేశాలు ఉన్నాయని తెలుస్తోంది. దీంతో పాకిస్థానీ నంబర్ల నుంచి మెసేజ్‌లు రాకుండా కట్టుదిట్టం చేశారు.
కేవలం భారతదేశ జవాన్లకు మాత్రమే ఉపయోగపడటం కోసం ఈ సదుపాయాన్ని కల్పించారన్న సంగతి తెలిసిందే.