విమానాశ్రయంలో బాంబు ఉన్నట్టు కలకలం రేగడంతో అమృత్‌సర్ ఎయిర్‌పోర్టులో కార్యకలాపాలు నిలిపివేశారు. పార్కింగ్ ప్రాంతంలో ఓ సూట్ కేసు అనుమానాస్పదంగా పడి ఉండడంతో అందులో ఏముందోనని భయాందోళనలు చెలరేగాయి. అది ప్రమాదకరమైందో కాదో పరీక్షించేందుకు బాంబు డిస్పోజల్ స్క్వాడ్ హుటాహుటిన అక్కడికి చేరుకుంది. ఆ ప్రాంతం మొత్తం తనిఖీలు చేసిన అధికారులు ఎవరికీ గాయాలు కాలేదని నిర్ధారించారు. దేశవ్యతిరేక శక్తులు సంచరిస్తున్నాయంటూ ఇంటిలిజెన్స్ వర్గాల నుంచి సమాచారం అందడంతో పఠాన్ కోట్ వైమానిక స్థావరంతో పాటు, మమన్ కంటోన్మెంట్‌లో రెండురోజులుగా భద్రతా దళాలు జల్లెడపడుతున్నాయి. ఈ నేపథ్యంలోనే అమృత్‌సర్‌లోని శ్రీ గురురామ్ దాస్‌జీ అంతర్జాతీయ విమాశ్రయంలో అనుమానాస్పద సూట్‌కేజు దర్శనమివ్వడం గమనార్హం.