తెలుగు ఇండస్ట్రీలో మహానటులుగా వెలిగిపోయిన నందమూరి తారక రామారావు నట వారసులుగా ఇప్పుడు బాలకృష్ణ, ఎన్టీఆర్ మంచి ఫామ్ లో ఉన్నారు. అయితే గతంలో బాలకృష్ణ, ఎన్టీఆర్ ల మద్య కొన్ని అభిప్రాయ భేదాలు వచ్చాయిని రూమర్లు వచ్చాయి. అయితే వీటిని ఎన్టీఆర్ ఖండించారు..బాబాయి అంటే తనకు ఎంతో గౌరవం అని ఆయన గొప్ప నటులు అని ఖితాబు ఇచ్చారు. తాజాగా బాబాయికి అబ్బాయి పదిలక్షలు డొనేట్ చేసి మరోసారి తమ మద్య ఎలాంటి ఆంతర్యాలు లేవని చాటి చెప్పారు.
అసలు విషయానికి వస్తే..గత ఏడాది విడుదలైన ఎన్టీఆర్ జనతాగ్యారేజ్ సినిమా బాక్సాఫీస్ వద్ద దుమ్మురేపిన విషయం తెలిసిందే. అయితే జనతా గ్యారేజ్ చిత్రంలో ఎన్టీఆర్ వాడిన బైక్ ని ఆక్షన్ కు పెట్టారు. ఆ బుల్లెట్‌ను తారక్‌కు వీరాభిమాని అయిన రాజ్‌కుమార్ రెడ్డి అనే వ్యక్తి రూ.10 లక్షలకు వేలంలో దక్కించుకున్నాడు. అయితే.. ఆ మొత్తాన్ని బాలకృష్ణ నిర్వహించే బసవతారకం కేన్సర్ ఆస్పత్రికి విరాళంగా అందజేస్తామని చిత్ర దర్శక, నిర్మాతలు వెల్లడించారు.
అన్న మాట ప్రకారం ఆ పదిలక్షలు బసవతారకం ఇండో అమెరికన్ క్యాన్సర్ ఆసుపత్రి కి విరాళంగా ఇచ్చారు మైత్రి మూవీస్ అధినేతలు . బాలయ్య ని స్వయంగా కలిసిన వాళ్ళ లో జనతా గ్యారేజ్ చిత్ర నిర్మాతలతో పాటు దర్శకులు కొరటాల శివ కూడా ఉన్నారు. అయితే చెక్కును అందించేందుకు తారక్‌ను కూడా కొరటాల, నిర్మాతలు ఆహ్వానించినా.. ప్రస్తుతం సినిమా షూటింగ్‌లో బిజీగా ఉన్న నేపథ్యంలో రాలేనని చెప్పాడట.
గతంలో జూనియర్ ఎన్టీఆర్ బసవరమతారకం ఇండో అమెరికన్ క్యాన్సర్ ఆసుపత్రికి విరాళం ఇచ్చిన విషయం తెలిసిందే . క్యాన్సర్ రోగులకు మెరుగైన సేవలందిస్తున్న బసవతారకం ఆసుపత్రి కి విరాళాలు వెల్లువలా వచ్చి పడుతున్నాయి.