హాస్యనటుడిగా కెరీర్‌ను ప్రారంభించి కథానాయకుడిగా తనదైన ముద్రవేశారు సునీల్‌. క్రాంతి మాధవ్‌ దర్శకత్వంలో ఆయన కథానాయకుడిగా నటిస్తున్న చిత్రం ‘ఉంగరాల రాంబాబు’ చిత్రీకరణ పూర్తయింది. ప్రస్తుతం నిర్మాణానంతర కార్యక్రమాలు జరుపుకొంటోంది. యునైటెడ్‌ కిరిటీ మూవీస్‌ లిమిటెడ్‌ బ్యానర్‌పై పరుచూరి కిరీటి ఈ చిత్రాన్ని నిర్మిస్తున్నారు. వచ్చే నెలలో ఈ చిత్రాన్ని ప్రేక్షకుల ముందుకు తీసుకొచ్చేందుకు చిత్ర బృందం సన్నాహాలు చేస్తోంది. ఈ సందర్భంగా నిర్మాత మాట్లాడుతూ.. సునీల్‌ నటించిన ‘అందాల రాముడు’ తరహాలో ఇది కూడా ప్రేక్షకులను కడుపుబ్బా నవ్విస్తుందని అన్నారు. ఈ వేసవిలో ప్రేక్షకులకు మరింత వినోదాన్ని పంచుతుందని తెలిపారు.