నందమూరి బాలకృష్ణ ఇంటర్నేషనల్ డ్రైవింగ్ లైసెన్స్ తీసుకున్నారు. పూరి దర్శకత్వంలో బాలకృష్ణ సినిమా తెరకెక్కుతోన్న విషయం తెలిసిందే. ఈ సినిమా కోసమే బాలయ్య అర్జెంట్ గా ఈ లైసెన్స్ తీసుకున్నట్లు తెలుస్తోంది. ఈనెల 11నుంచి పోర్చుగల్‌ లో కొత్త షెడ్యూల్ ప్రారంభం కానుంది. దాదాపు 40 రోజుల పాటు పోర్చుగల్‌ షెడ్యూల్ కొనసాగనుంది. ఈ చిత్రంలో బాలయ్య టాక్సీ డ్రైవర్ గా కమ్ గ్యాంగ్ స్టర్ కనిపించబోతున్నట్టు తెలుస్తోంది. పోర్చుగల్ లో షెడ్యూల్ లో ఛేజింగ్ సీన్స్ కూడా ఉన్నాయట. ఇందుకోసం బాలయ్యకి అర్జెంటుగా ఇంటర్నేషనల్ డ్రైవింగ్ లైసెన్స్ అవసరమైంది.
'సమరసింహా రెడ్డి' సినిమాలో బాలయ్య బాలయ్య టాక్సీ డ్రైవర్ కమ్ ఫ్యాక్షనిస్ట్ గా కనిపించాడు. ఇప్పుడు పూరి సినిమా కోసం టాక్సీ డ్రైవర్ కమ్ గ్యాంగ్ స్టర్ గా కనిపించబోతున్నాడు. సూపర్ స్టార్ రజనీకాంత్ కి ఆటో డ్రైవర్ సెంటిమెంట్ వర్కవుట్ అయినట్టే.. బాలయ్యకి టాక్సీ డ్రైవర్ సెంటిమెంట్ వర్కవుట్ అవుతుందేమో చూడాలి.
ఈ చిత్రంలో బాలయ్య సరసన ముగ్గురు హీరోయిన్స్ జతకట్టనున్నారు. ఇప్పటికే శ్రియ, మస్కాన్ లని చిత్రబృందం ఫైనల్ చేసింది. మరో హీరోయిన్ ఇంకా ఫైనల్ చేయలేదు. బాలీవుడ్ హాట్ బ్యూటీ సన్నీ లియోన్ ఐటమ్ సాంగ్ లో మెరవనుంది. ఈ చిత్రానికి సంగీతం అనూప్ రూబెన్స్.