ప్రధాన మంత్రి ప్రిన్స్‌ ఖలీఫా బిన్‌ సల్మాన్‌ అల్‌ ఖలీఫా, బహ్రెయిన్‌తో కలిసి ఉగ్రవాదంపై పోరులో ముందుకు నడవాలనుకుంటున్న యునైటెడ్‌ కింగ్‌డమ్‌ నిర్ణయాన్ని స్వాగతిస్తున్నట్లు చెప్పారు. ప్రపంచం ఎదుర్కొంటున్న సవాళ్ళలో ఉగ్రవాదం ముఖ్యమైనదనీ, ఉగ్రవాదంపై ఉమ్మడి పోరు అత్యవసరమని ప్రిన్స్‌ ఖలీఫా అన్నారు. కొత్తగా నియమితులైన బ్రిటిష్‌ అంబాసిడర్‌ సిమన్‌ మార్టిన్‌తో ప్రిన్స్‌ ఖలీఫా సమావేశమయ్యారు. బ్రిటన్‌ నుంచి ఏ సహాయం అవసరమైనా బహ్రెయిన్‌కి అందిస్తామని మార్టిన్‌ చెప్పినట్లు ప్రిన్స్‌ ఖలీఫా వెల్లడించారు. అలాగే, ఇన్ఫర్మేషన్‌ అండ్‌ కమ్యూనికేషన్‌ టెక్నాలజీ విభాగంలో స్థిరమైన వృద్ధి సాధించి అవార్డును సొంతం చేసుకున్న బహ్రెయిన్‌కి బ్రిటన్‌ అంబాసిడర్‌ శుభాకాంక్షలు తెలిపారు. యూకే (బ్రిటన్‌) అంబాసిడర్‌, తీవ్రవాదంపై బహ్రెయిన్‌ జరుపుతోన్న పోరాటాన్ని కూడా అభినందించారు. 

--యం.వాసు దేవ రావు(మాగల్ఫ్ ప్రతినిధి,బహ్రెయిన్)