ఎకానమీ అండ్‌ కామర్స్‌ మంత్రిత్వ శాఖ (ఎంఇసి) కొత్త సర్వీసును ప్రారంభించింది. 'బిజినెస్‌ లైసెన్స్‌'లో భాగంగా ఈ యాప్‌ని అందుబాటులోకి తీసుకొచ్చింది మంత్రిత్వ శాఖ. ఆండ్రాయిడ్‌, ఐఫోన్‌ వినియోగదారులు ఎంఇసి కతార్‌ పేరుతో ఉన్న మొబైల్‌ యాప్‌ని వినియోగించుకుని, ట్రేడ్‌ అండ్‌ ఇన్వెస్ట్‌మెంట్‌ విభాగాల్లో అనుమతులు తేలికగా పొందవచ్చు. నిబంధనలకు అనుగుణంగా మొబైల్‌ ఫోన్‌ యాప్‌ని వినియోగించుకుని నమోదు ప్రక్రియ పూర్తి చేస్తే, అదనపు సమాచారం కోసం మంత్రిత్వ శాఖ వినియోగదారుల్ని సంప్రదిస్తుంది. ఫీజు చెల్లింపు సహా అన్ని ప్రకియలు సజావుగా ముగిసిన అనంతరం బిజినెస్‌ లైసెన్స్‌లు ఇ-మెయిల్‌ ద్వారా దరఖాస్తుదారుడికి చేరతాయి.