ముగ్గురు బంగ్లాదేశీయులను షార్జా పోలీసులు అరెస్ట్‌ చేశారు. పార్కింగ్‌ చేసి ఉన్న కార్లలో విలువైన వస్తువుల్ని ఈ గ్యాంగ్‌ దొంగిలిస్తున్నట్లు పోలీసులు తెలిపారు. కార్లలో దొంగతనాలపై పలు ఫిర్యాదులు రావడంతో షార్జా పోలీసులు, ఈ దొంగల గ్యాంగ్‌ని పట్టుకునేందుకు వ్యూహాత్మకంగా వ్యవహరించింది. దొంగల నుంచి విలువైన వస్తువుల్ని పోలీసులు స్వాధీనం చేసుకున్నారు. కార్లను పార్కింగ్‌ చేసేటప్పుడు భద్రత కలిగిన ప్రాంతాన్ని చూసుకోవాలని వాహనదారులకు పోలీసులు సూచించారు. ప్రజలు పోలీసుల సూచనల్ని పాటిస్తే దొంగతనాల్ని అరికట్టవచ్చని పోలీసు అధికారి ఒకరు వివరించారు. 

--సి.శ్రీ(దుబాయ్)