ఈద్‌ అల్‌ అధా తర్వాత మార్కెట్‌లో టమోటా ధర భారీగా పెరిగింది. టమాటాతోపాటు ఇతర కూరగాయల ధరలూ పెరిగినా, టమాటా ధర మరింతగా పెరిగింది. గతంలో 4 నుంచి 4.50 ఖతారీ రియాల్స్‌కి కిలో టమాటా లభించేది. గత కొన్ని రోజులుగా ఈ ధర 7 ఖతారీ రియాల్స్‌ దాటేసింది. లభ్యత తగ్గడంతో టమాటా ధర పెరిగినట్లు వ్యాపారులు చెప్పారు. ట్రాన్స్‌ పోర్ట్‌ ఖర్చులు పెరగడం కూడా టమాటా ధరపై ప్రభావం చూపింది. మున్సిపాలిటీ అర్బన్‌ ప్లానింగ్‌ మంత్రిత్వ శాఖ 6.5 ఖతారీ రియాల్స్‌ కంటే ఎక్కువ ధరకు టమాటా అమ్మరాదని నిర్ణయించినా డిమాండ్‌కి తగ్గ సప్లయ్‌ లేకపోవడంతో ధరలు పెరిగినట్లు రిటెయిలర్స్‌ చెప్పారు.

--వి.రాజ్ కుమార్(మాగల్ఫ్ ప్రతినిధి,ఖతార్)