'శతమానం భవతి' టీమ్‌ను సీఎం కేసీఆర్ అభినందించారని హీరో శర్వానంద్ తన ఫేస్‌బుక్ పేజ్‌లో పేర్కొన్నాడు. కేంద్ర ప్రభుత్వం ఇటీవల ప్రకటించిన జాతీయ అవార్డుల్లో తెలుగు సినిమాలైన శతమానం భవతి, పెళ్లి చూపులు చిత్రాలకు అవార్డులు వచ్చిన విషయం తెలిసిందే. ఈ నేపథ్యంలో శతమానం భవతి టీమ్‌ను సీఎం కేసీఆర్ తన క్యాంపు కార్యాలయంలో అభినందించారు. మంచి చిత్రాన్ని నిర్మించిన నిర్మాత దిల్ రాజుకు ప్రశంసా పత్రాన్ని, జ్ఞాపికను అందేశారు. ఈ కార్యక్రమంలో హీరో శర్వానంద్‌తో పాటు పలువురు చిత్ర యూనిట్ సభ్యులు పాల్గొన్నారు.