నం దమూరి బాలకృష్ణ స్పీడు పెంచారు. సెంచరీ సినిమా తరవాత.. ఆయన మరింత జోరుగా కథల్ని ఓకే చేస్తున్నారు. ప్రస్తుతం పూరి జగన్నాథ్‌ దర్శకత్వంలో ఆయన ఓ చిత్రంలో నటిస్తున్న సంగతి తెలిసిందే. ఇప్పటికే 40 శాతం చిత్రీకరణ పూర్తయింది. ఇందులో బాలయ్య ఓ పాట కూడా పాడేశారు. తొలిసారి.. గాయకుడి అవతారం ఎత్తారు. ఈ పాటని ఇటీవలే రికార్డ్‌ చేశారు. దసరా కానుకగా ఈ చిత్రాన్ని విడుదల చేయడానికి చిత్రబృందం సన్నాహాలు చేస్తోంది. ఈలోగా మరో కథకి పచ్చజెండా వూపేశారు బాలకృష్ణ. కె.ఎస్‌.రవికుమార్‌తో ఆయన జట్టు కట్టబోతున్నారు. ఇటీవలే అధికారిక ప్రకటన కూడా వచ్చేసింది. సి.కల్యాణ్‌ ఈ చిత్రానికి నిర్మాతగా వ్యవహరిస్తున్నారు. బాలయ్య సినిమా కోసం ఓ ఆసక్తికరమైన టైటిల్‌ పరిశీలనలో ఉంది. అదే.. ‘రెడ్డి గారు’.

ఇది పక్కా కమర్షియల్‌ చిత్రమే అయినా... ఇందులో రాజకీయ నేపథ్యం కూడా ఉంటుందని, ‘రెడ్డి గారు’ టైటిల్‌ అందుకోసమే నిర్ణయించారని తెలుస్తోంది. అయితే ఈ విషయంలో చిత్రబృందం ఇప్పటి వరకూ ఎలాంటి అధికారిక ప్రకటనా ఇవ్వలేదు. రవికుమార్‌ చిత్రం జూన్‌లో సెట్స్‌పైకి వెళ్లే అవకాశాలున్నాయి.