బాహుబలి ప్రభాస్ ఇప్పుడు హిందీ నేర్చుకుటుంటున్నాడట. హిందీలో డైలాగులు ప్రాక్టీస్‌ చేస్తూ బిజీగా ఉన్నాడట. వివరాల్లోకి వెళితే.. బాహుబలి తర్వాత ప్రభాస్‌ నటిస్తున్న చిత్రం 'సాహో'. సుజిత్‌ దర్శకత్వంలో వస్తున్న ఈ సినిమా కోసం ప్రభాస్‌ హిందీ నేర్చుకుంటున్నట్లు టాలీవుడ్‌ వర్గాల సమాచారం.
'బాహుబలి' రెండు భాగాలను తెలుగులో తెరకెక్కించి తెలుగు, హిందీ, తమిళంలో డబ్బింగ్‌ చేశారు. కానీ సాహో సినిమాని తెలుగు, హిందీ భాషల్లో తెరకెక్కించాలని చిత్ర బృందం సన్నాహాలు చేస్తుంది. ఇందుకోసం ప్రభాస్ హిందీలో డైలాగులు ప్రాక్టీస్‌ చేస్తున్నాడట.
యువీ క్రియేషన్స్‌ సంస్థ సుమారు రూ.150 కోట్ల బడ్జెట్‌తో ఈ చిత్రాన్ని తెరకెక్కిస్తోంది. బాలీవుడ్‌ సంగీత త్రయం శంకర్‌ ఎహసాన్‌ లాయ్‌ స్వరాలు సమకూరుస్తున్నారు. ఈ చిత్రానికి హీరోయిన్ ఎవరనేది ఇంకా ఫైనల్ కాలేదు.