ప్రముఖ దర్శక నిర్మాత, నటుడు దాసరి నారాయణరావు కన్నుమూశారు. ప్రస్తుతం ఆయనకు కిమ్స్ ఆస్పత్రిలో డయాలసిస్ చేసినా ప్రాణాలు దక్కలేదు. గతంలో సుదీర్ఘ కాలం పాటు దాసరి కిమ్స్ ఆస్పత్రిలో చికిత్స పొంది, తర్వాత డిశ్చార్జి కాగా, వారం రోజుల క్రితం మరోసారి ఆస్పత్రిలో చేరారు. మూడు రోజుల క్రితం ఆయనకు మరోసారి వైద్యులు సర్జరీ చేశారు.

అయితే దాసరి శరీరంలోని పలు భాగాలకు ఇన్ఫెక్షన్ సోకడంతో పరిస్థితి పూర్తిగా విషమించి కన్నుమూశారు. గతంలో ఆయనకు గ్యాస్ట్రిక్ బెలూన్ సర్జరీ చేశారు. సర్జరీ తర్వాత కొన్ని శరీర భాగాలు దెబ్బతిన్నాయి. అధిక రక్తపోటుతో దాసరి ఆరోగ్యం ఆందోళనకరంగా మారింది. వైద్యులు ఎంత ప్రయత్నించినా ప్రాణాలు దక్కలేదు.