ఒమన్‌లోని బహిష్కృత పిల్లలకు గుర్తింపు కార్డుని ఇవ్వాలని అధికారులు నిర్ణయించారు. ఐదేళ్ళ పైబడినవారికి ఈ నివాసిత ధృవీకరణ గుర్తింపు కార్డు ఇవ్వడం జరుగుతుంది. అర్హులైనవారు గుర్తింపు కార్డు కోసం దరఖాస్తు చేసుకోవచ్చని పోలీసు అధికారులు వెల్లడించారు. 'ఇది పూర్తిగా ఐశ్ఛికం. ఐదేళ్ళు పైబడిన బహిష్కృత చిన్నారులకు గుర్తింపు కార్డులు ఇవ్వాలని రెండు వారాల క్రితం నిర్ణయించాం' అని రాయల్‌ ఒమన్‌ పోలీసు వర్గాలు వివరించాయి. బహిష్కృతుల నివాసిత చట్టం ప్రకారం 15 ఏళ్ళ పైబడినవారికి నివాసిత గుర్తింపు కార్డు అత్యవసరమనీ, ఇప్పుడు 5 నుంచి 15 ఏళ్ళవారికీ గుర్తింపు కార్డులు ఇవ్వాలని నిర్ణయం తీసుకోవడం జరిగిందనీ అధికారులు చెప్పారు. తల్లిదండ్రులు అప్లికేషన్‌ పూర్తి చేయాలనీ, మిగతా ప్రాసెస్‌ అంతా సాధారణంగానే ఉంటుందనీ, పిల్లలు వ్యక్తిగతంగా హాజరు కావాల్సి ఉంటుందన్నారు అధికారులు. భారతదేశానికి చెందిన బాస్కీ దూతియా పిల్లలకు రెసిడెన్సీ గుర్తింపు కార్డు ఇవ్వాలన్న ప్రతిపాదనను ఆహ్వానిస్తున్నట్లు చెప్పారు. తమ భద్రతకు ఈ గుర్తింపు కార్డు ఉపయోగపడ్తుందని వివిధ దేశాలకు చెందినవారు అభిప్రాయపడ్డారు. ఎయిర్‌పోర్టుల్లోనే కాకుండా ఆసుపత్రుల్లో, స్కూళ్ళలో ఈ గుర్తింపు కార్డుతో ఎంతో ప్రయోజనముందని వారు అన్నారు.