బతుకమ్మ ఉత్సవాలు ఇవాళ్టి నుంచి ప్రారంభమవుతున్న నేపథ్యంలో రాష్ట్రప్రభుత్వం నేడు సెలవుదినంగా ప్రకటించింది. నేటి నుంచి ఈ నెల 20 వరకు బతుకమ్మ ఉత్సవాలు కొనసాగనున్నాయి. 20న హైదరాబాద్‌లో ఘనంగా బతుకమ్మ ఉత్సవాల ముగింపు వేడుకలు కొనసాగనున్నాయి. పూలను దేవతలుగా ఆరాధించే ప్రకృతి పండుగ బతుకమ్మకు రాష్ట్ర ప్రభుత్వం పక్షాన అన్ని సదుపాయాలూ కల్పిస్త్తున్నామని రాష్ట్ర మంత్రి అజ్మీరా చందూలాల్ అన్నారు. జీవనోపాధికోసం వివిధ ప్రాంతాల్లో బతుకుతున్న తెలంగాణ ప్రజలందరికీ సంతోషం కలిగించేవిధంగా, తెలంగాణ ప్రజలు ఉన్న రాష్ర్టాలన్నింటిలోనూ పండుగను ఘనంగా చేసుకునేందుకు రాష్ట్ర ప్రభుత్వం సహాయ సహకారాలు అందిస్తున్నదని తెలిపారు.