ఈ వారం ఒక పౌష్టిక జైన్ వంటకం (ఉల్లిపాయ మరియు వెల్లుల్లి లేకుండా) మీ కోసం. అదే 'మిక్స్డ్ దాల్ కర్రీ'.

కావలసిన పదార్ధాలు:

• లోబియా (బ్లాకు ఐడ్ బీన్స్)              - 1 కప్పు
• చణా (బ్లాకు / వైట్)                         - 1/2 కప్పు
• రాజ్మా                                          - 1/3 కప్పు
• పెసరపప్పు (గ్రీన్ కలర్)                    - 1/3 కప్పు
• అల్లం + పచ్చిమిర్చి ముద్ద                - 2 టేబుల్ స్పూన్లు
• టమాటో                                        - 3
• ధనియాల పొడి                               - 1 టేబుల్ స్పూను
• జీలకర్ర పొడి                                    - 1 టీ స్పూను
• పసుపు                                          - 1/2 టీ స్పూను
• పచ్చి కారం                                     - రుచికి సరిపడా
• చోళె మసాలా పొడి                             - 3 టేబుల్ స్పూన్లు
• శెనగపిండి                                        - 2 టేబుల్ స్పూన్లు
• ఉప్పు                                             - తగినంత

​

చేయు విధానం:

• ముందుగా పైన చెప్పిన పప్పులను ఒక రాత్రంతా నానబెట్టి మరుసటి రోజు ఉదయం నీటిని వార్చేసి పక్కన పెట్టుకోవాలి. వండుకునేప్పుడు వీటిని ఒక ప్రెషర్ కుక్కర్ లో 3 కూతలు వచ్చేదాకా ఉడకనివ్వండి.
• ఒక బాండీలో నూనె వేసి వేడిచేయండి. ఇందులో అల్లం + పచ్చిమిర్చి ముద్దను అల్లం వాసనా పోయేదాకా వేయించండి.
• ఇప్పుడు సన్నగా తరిగిన టొమాటోలు వేసి ఒక 5 నిమిషాలు వేయించండి. ఇందులో ధనియాల పొడి, జీలకర్ర పొడి, పసుపు, పచ్చికారం, చోళె మసాలా పొడి వేసి టొమాటోలు బాగా ఉడికేదాక వేయించండి.
• ముందుగ ఉడికించి పెట్టుకున్న పప్పులను ఇందులోకి వేసి ఒక 15 నిమిషాలు మగ్గనివ్వండి.
• ఈ కూరకి చిక్కదనం కోసం వేరే ఒక బాండీలో శెనగపిండి ని 2 నిమిషాల పాటు వేయించి నీటిలో కలపండి. ఇలా చేస్తా ఉండలు కట్టకుండా ఉంటుంది శెనగపిండి.
• ఈ శెనగపిండి కలిపిన నీటిని కూర లో కలిపి మరో 5 నిమిషాలు వేయించండి.
• కొత్తిమీర చల్లి అన్నంతో కాని రోటి తో కాని తీసుకుంటే ఎంతో బాగుంటుంది.

                              ---- వి. జానకి జ్యోతి, కువైట్.