రిలయన్స్ గ్రూపు చైర్మన్  అనిల్ ధీరూబాయ్‌  అంబానీ సంచలన నిర్ణయం  తీసుకున్నారు. రిలయన్స్‌ కమ్యూనికేషన్స్‌ నుంచి ఎలాంటి వేతనం  తీసుకోకూడదని నిర్ణయించుకన్నారు. అప్పల ఊబిలో కూరుకుపోయి కష్టాల్లో ఉన్న  ఆర్‌కామ్‌ను అదుకునేందుకు  ఈ చర్యకు దిగారు.
ప్రస్తుత ఆర్థిక సంవత్సరంలో రిలయన్స్ కమ్యూనికేషన్స్ నుంచి జీతం లేదా కమిషన్‌ గానీ స్వీకరించకూడదని  అనిల్‌ అంబానీ  నిర్ణయించుకున్నారని సంస్థ  ఒక పత్రికా ప్రకటనలో తెలిపింది. వ్యూహాత్మక పరివర్తన కార్యక్రమంలో సంస్థ ప్రమోటర్ల బాధ్యతతో పాటు, ఛైర్మన్‌ ఈ నిర్ణయం తీసుకున్నారని  సంస్థ పేర్కొంది.  ఈ క్రమంలో ఆర్కాం మేనేజ్మెంట్ కూడా ముందుకు సాగుతుందని తెలిపింది.  సంస్థ బోర్డు సభ్యులు కూడా 21 రోజుల వేతనం  వదులుకోవాలని  నిర్ణయించారు. డిశెంబర్‌ 2017 వరకు ఈ నిర్ణయం  అమల్లో  ఉంటుందని  రిలయన్స్‌ కమ్యూనికేషన్స్‌  వెల్లడించింది.