ఇండోనేసియా ఓపెన్‌ బ్యాడ్మింటన్‌ సిరీస్‌లో తెలుగు తేజం కిదాంబి శ్రీకాంత్‌ విజేతగా నిలిచాడు. పురుషుల సింగిల్స్‌ ఫైనల్లో జపాన్‌ ఆటగాడు సకాయ్‌తో తలపడిన శ్రీకాంత్‌ రెండు వరుస సెట్లలో విజయం సాధించాడు. 13 నిమిషాల్లోనే తొలి సెట్‌ను 21-11తో కైవసం చేసుకున్న శ్రీకాంత్‌కు రెండో సెట్లో తీవ్ర ప్రతిఘటన ఎదురైంది. ఓ దశలో వెనుకబడిన శ్రీకాంత్‌ ఆ తర్వాత తేరుకుని సుకాయ్‌పై విజృంభించాడు. దీంతో హోరాహోరీగా సాగిన రెండో సెట్‌ను శ్రీకాంత్‌ 21-19తో గెలిచి ఇండోనేసియా ఓపెన్‌ బ్యాడ్మింటన్‌ సూపర్‌ సిరీస్‌లో విజేతగా నిలిచాడు. శ్రీకాంత్‌ కెరీర్‌లో ఇది మూడో సూపర్‌ సిరీస్‌ టైటిల్‌.