ఒమాన్ లో జరిగిన వాడీ దుర్ఘటనల్లో ఇద్దరు పిల్లలతో సహా నలుగురు మరణించారు. అరేబియా సముద్రంలో అల్పపీడన ప్రభావం వలన  ఒమాన్ దేశ వ్యాప్తంగా వివిధ ప్రాంతాల్లో వర్షాలు కురిసి అక్కడి జలవనరులు పొంగిపొర్లుతున్న సంగతి తెలిసిందే. బెహ్లా లోని  అల్ మమొర్ వాడీ లో ఒకరు, అల్ హమ్రా లోని ఘూల్   వడీలో ఒక చిన్నారి తోసహా ఒక వ్యక్తి మరణించినట్టు తెలిసింది. రుస్తాక్ లోని వాడీలో వాహనం  ఇరుక్కుపోవడం వలన ఒక చిన్నారి మరణించినట్టు, ఆదేవాహనంలో మరి ముగ్గురినీ స్థానికులు రక్షించినట్టు పబ్లిక్ ఆధారిటీ  ఫర్ సివిల్ డిఫెన్స్ అండ్ అంబులెన్స్ వారి  సమాచారం. ఒమాన్‌లో మరింత వర్షపాతం కురియనున్నట్టు అధికారులు తమ లైవ్ ట్వీట్ల ద్వారా తెలియజేస్తున్నారు.