ఎయిర్ఏసియా విమానానికి తృటిలో ప్రమాదం తప్పింది. రాంచీ ఎయిర్పోర్టులో విమానం మరికాసేపట్లో ల్యాండ్ అవుతుందనగా ఓ ప్రయాణికుడు ఎగ్జిట్ డోర్ తీశాడు. అయితే అదృష్టవశాత్తు ఈ ఘటనలో ప్రయాణికులకు ఎలాంటి ప్రమాదం జరగలేదు.
ఝార్ఖండ్ రాజధాని రాంచీలోని బిర్సా ముండా ఎయిర్పోర్టులో విమానం రన్వేపైకి దిగేందుకు వస్తుండగా.. ఓ ప్రయాణికుడు వింతగా ప్రవర్తించాడు. ఒక్కసారిగా లేచి విమానం నుంచి బయటకు వెళ్లే డోర్ తెరిచాడు. అయితే అప్రమత్తమైన పైలట్ చాకచక్యంగా విమానాన్ని కిందకు దించడంతో పెను ప్రమాదం తప్పింది. అయితే విమానం ఎక్కడి నుంచి వస్తుంది, అందులో ఎంత మంది ప్రయాణికులు ఉన్నారనే విషయం ఇంకా తెలియరాలేదు. విమానం ల్యాండ్ అయ్యాక.. సదరు ప్రయాణికుడిని పోలీసులకు అప్పగించారు.