30 ఏళ్ల క్రితం కళాతపస్వి కె. విశ్వనాథ్ తీసిన అద్భుత దృశ్య కావ్యం సాగర సంగమం. ఆ చిత్రంలో కమల్‌హాసన్, జయప్రద నటన గురించి ప్రత్యేకంగా చెప్పనక్కరలేదు.  ఆ పాత్రల్ని అలా తీర్చిదిద్దారు విశ్వనాథ్ గారు.  మళ్లీ ఇప్పుడు అదే దృశ్య కావ్యాన్ని విశ్వనాథ్ దర్శకత్వంలోనే జూనియర్ ఎన్టీఆర్‌తో తెరకెక్కిస్తారనే ఉహాగానాలు వినిపిస్తున్నాయి.  ఈ వ్యాఖ్యలపై విశ్వనాథ్ స్పందిస్తూ గతంలో వచ్చిన కొన్ని సినిమాలను మళ్లీ చేయాలా వద్దా అనేది ఎంతో ఆలోచించి తీసుకోవాల్సిన నిర్ణయమని, ఏ సినిమానైనా రీమేక్ చేస్తే ప్రేక్షకులను ఏ స్థాయిలో మెప్పిస్తుందనేది ప్రశ్నగానే మిగిలిపోతుందని అన్నారు.