షార్జా: ట్రావెల్‌ ఏజెన్సీకి చెందిన బుకింగ్‌ ఉద్యోగి అక్రమంగా ఫేక్‌ టిక్కెట్లను విక్రయిస్తున్నందుకుగాను అరెస్ట్‌ అయ్యాడు. 400,000 దిర్హామ్‌ల విలువైన ఫేక్‌ టిక్కెట్లను నిందితుడు విక్రయించినట్లు షార్జా పోలీసులు వెల్లడించారు. ఫేక్‌ ఆఫర్లతో వినియోగదారుల్ని నిందితుడు బురిడీ కొట్టించాడని పోలీసులు చెప్పారు. చట్టపరమైన చర్యల నుంచి తప్పించుకునేందుకు నిందితుడు ప్రయత్నించగా అతన్ని అరెస్ట్‌ చేశామని పోలీసులు వివరించడం జరిగింది. నిందితుడి వద్ద టిక్కెట్లు కొనుగోలు చేసిన ప్రయాణీకులు, అవి ఫేక్‌ అని తెలియక విమానాశ్రాయినికి వెళ్ళి అక్కడ ఇబ్బందుల్ని ఎదుర్కొన్నారని పోలీసులు చెప్పారు. షార్జా పోలీస్‌ కమాండర్‌ ఇన్‌ చీఫ్‌ బ్రిగేడియర్‌ సైఫ్‌ మొహమ్మద్‌ అల్‌ జారి మాట్లాడుతూ, బాధితుల నుంచి ఫిర్యాదులు అందుకున్న వెంటనే స్పందించినట్లు తెలిపారు. ఇలాంటి నేరాల పట్ల ప్రతి ఒక్కరూ అప్రమత్తంగా ఉండాలని ఆయన సూచించారు.