ప్రపంచ వ్యాప్తంగా 1.2 బిలియన్‌ మొబైల్‌ యూజర్స్‌ వాట్సాప్‌ని ఉపయోగిస్తున్నారు. అయితే ఈ వాట్సాప్‌ ద్వారా అక్రమార్కులు అనేక అక్రమాలకూ పాల్పడుతున్నారు. కొత్తగా కొందరు అక్రమార్కులు వాట్సాప్‌ మెసేజ్‌ ద్వారా మీ మొబైల్‌లోని బ్యాంక్‌ అకౌంట్‌ డిటెయిల్స్‌ని కొల్లగొట్టేందుకు ప్రయత్నిస్తున్నారు. యూకే కేంద్రంగా ఈ కొత్త స్కామ్‌ని నడిపిస్తున్నారు కొందరు హ్యాకర్స్‌. 'వాట్సాప్‌ ట్రైలర్‌ సర్వీస్‌ ఏడాది సమయం పూర్తయిపోయిందని' పేర్కొంటూ ఓ మొబైల్‌ అలర్ట్‌ వాట్సాప్‌ ద్వారా వచ్చినట్లుగా ఫేక్‌ మెసేజ్‌ని హ్యాకర్స్‌ పంపించి, బ్యాంక్‌ అకౌంట్‌ డిటెయిల్స్‌ని కొల్లగొడుతున్నారు. 2016 జనవరి నుంచి వాట్సాప్‌ పూర్తిగా ఉచితంగానే సేవలు అందిస్తోంది. కాబట్టి ఇటువంటి మెసేజ్‌లను ఎవరూ నమ్మవద్దని, ఎలాంటి బ్యాంక్‌ డిటెయిల్స్‌ డిస్‌క్లోజ్‌ చేయొద్దని నిపుణులు హెచ్చరిస్తున్నారు.