ఓ తమిళ స్టార్ హీరో రాజమౌళి సినిమాలో కనీసం ఓ చిన్న రోల్ అయినా ఇప్పించమని అడగడం ఆశ్చర్యం. చాలా అరుదు. అయితే బాహుబలి-2 మూవీలో తనకు ఓ గెస్ట్ రోల్ అయినా ఇవ్వాలని తమిళ హీరో సూర్య..రాజమౌళిని కోరాడట. ఇందుకు రాజమౌళి సరేనన్నాడో లేదో తెలియదు. ఈ వార్తలకు సంబంధించి ఇంకా క్లారిటీ రావాల్సి ఉంది. బాహుబలి-2 లో సూర్యకు మౌళి ఓ స్మాల్ రోల్ అయినా కీలకమైనదే ఆఫర్ చేయవచ్చుననే ప్రచారం కూడా సాగుతోంది. ఇదే నిజమైతే మౌళి దర్శకత్వంలో నటించాలన్న సూర్య చిరకాల కోర్కె నిజం కావచ్చు. బాహుబలి-2 చిత్రం షూటింగ్ వచ్చే నవంబర్ నుంచి ప్రారంభం కావచ్చు. ప్రస్తుతం ప్రీ-ప్రొడక్షన్ పనులు సాగుతున్నాయి.