దర్‌ అల్‌ బెర్‌ సొసైటీ, దుబాయ్‌ మరియు షార్జాలోని జులేఖా హెల్త్‌కేర్‌ గ్రూప్‌తోనూ, ఇండియాలోని అలెక్సిస్‌ హాస్పిటల్‌తోనూ ఒప్పందం కుదుర్చుకుంది. ఈ ఒప్పదం ప్రకారం తక్కువ ఆదాయం గల వారికి ఉచితంగా వైద్య సేవలను అందించనున్నారు. ఇయర్‌ ఆఫ్‌ గివింగ్‌ ఇనీషియేటివ్‌లో భాగంగా ఈ సేవా కార్యక్రమం చేపడుతున్నట్లు సొసైటీ ఎగ్జిక్యూటివ్‌ డైరెక్టర్‌ అబ్దుల్లా అలి బిన్‌ జాయెద్‌ అల్‌ ఫలాసి చెప్పారు. కిడ్నీ ఫెయిల్యూర్‌ సహా ఇతర తీవ్ర అనారోగ్య సమస్యలు ఎదుర్కొంటున్న పేదలకు జులేకా, అలెక్సిస్‌ హాస్పిటల్స్‌ సేవలందిస్తాయని ఆయన తెలిపారు. దర్‌ అల్‌ బెర్‌ సొసైటీ రిఫర్‌ చేసిన రోగులకు 10 నుంచి 25 శాతం ప్రత్యేక డిస్కౌంట్లు ఇవ్వనున్నట్లు జులేకా గ్రూప్‌ ఎగ్జిక్యూటివ్‌ డైరెక్టర్‌ తహెర్‌ షామ్స్‌ చెప్పారు. జులేకా హెల్త్‌ కేర్‌ గ్రూప్‌ ఓనర్‌ డాక్టర్‌ జులేకా ఇక్బాల్‌ దావూద్‌ మాట్లాడుతూ, ఈ తరహా సేవా కార్యక్రమాలక తమ వంతు మద్దతు ఖచ్చితంగా ఉంటుందని అన్నారు.