అల్‌ రయ్యాన్‌ రోడ్‌కి సంబంధించి అప్‌గ్రెడేషన్‌ వర్క్‌ దాదాపు పూర్తి కావచ్చినట్లు అష్గల్‌ వెల్లడించింది. 22 ఫిబ్రవరి రోడ్‌ మరియు అల్‌ రయ్యాన్‌ రోడ్‌ని కనెక్ట్‌ చేసే ఫ్లై ఓవర్‌ని జులై 28 నుంచి ఆగస్ట్‌ 4 వరకు తాత్కాలికంగా మూసివేసి, మిగతా పనులు పూర్తి చేయనున్నట్లు అష్గల్‌ ప్రకటించింది. ఈ మూసివేత కారణంగా 22 ఫిబ్రవరి రోడ్‌పై సౌత్‌బౌండ్‌ మీదుగా ప్రయాణించే వాహనదారులు అల్‌ రయ్యాన్‌ ఫ్లైవోర్‌కి ముందుగా ఉన్న సర్వీస్‌రోడ్‌ వైపు ఎగ్జిట్‌ తీసుకోవాలి. మూడో ఎగ్జిట్‌ని తీసుకుని, అలింపిక్‌ రౌండెబౌట్‌ వైపుగా వారు వెళ్ళవలసి ఉంటుంది. ఈ డైవర్షన్‌ కారణంగా వాహనదారులు గంటకు 50 కిలోమీటర్ల వేగానికి లోబడి తమ వాహనాల్ని నడపాల్సి ఉంటుంది, అలాగే సూచకల ప్రకారం ప్రయాణించడం ద్వారా ట్రాఫిక్‌ సమస్యలు ఉండవని అధికారులు సూచిస్తున్నారు.