తరచుగా జరుగుతున్న ఉగ్రదాడులతో ఐరోపా దేశాలు బిక్కుబిక్కుమంటున్న వేళ.. జర్మనీలోని హాంబర్గ్‌లో ఓ దుండగుడు జరిపిన కత్తిదాడి కలకలం రేపింది. హాంబర్గ్‌లోని ఓ సూపర్‌ మార్కెట్‌ వద్ద జరిగిన ఈ దాడిలో ఓ వ్యక్తి ప్రాణాలు కోల్పోగా ఆరుగురు తీవ్రంగా గాయపడ్డారు. ఘటన అనంతరం దుండగుడు పారిపోతుండగా స్థానికులు కుర్చీలు, కర్రలతో దాడి చేసి అతన్ని బంధించారు. ఈ ఘాతుకానికి పాల్పడిన వ్యక్తి యునైటెడ్‌ అరబ్‌ ఎమిరేట్స్‌కు చెందిన వ్యక్తిగా గుర్తించిన పోలీసులు దాడి సమయంలో అల్లహో అక్బర్‌ అంటూ అరిచినట్లు తెలిపారు. దాడి చేసిన వ్యక్తి ఉద్దేశం ఇంకా తెలియరాలేదని, ఈ ఘటనపై సమగ్ర దర్యాప్తు చేపట్టినట్లు వెల్లడించారు. కత్తి దాడి నేపథ్యంలో జర్మనీలో భద్రతను పటిష్ఠం చేసినట్లు అధికారులు తెలిపారు.