జర్మనీలో కాన్‌స్టాంజ్‌ నగరంలో కాల్పులు కలకలం సృష్టించాయి. స్థాని గ్రే నైట్‌క్లబ్‌లో ఓ దుండగుడు కాల్పులకు తెగబడ్డాడు. ఈ ఘటనలో ఇద్దరు మృతిచెందగా.. మరో నలుగురు గాయపడ్డారు. సమాచారం తెలుసుకున్న పోలీసులు క్లబ్‌ను చుట్టుముట్టారు. అప్పటికే అక్కడి నుంచి పారిపోయేందుకు ప్రయత్నించిన దుండగుడిపై ఎదురుకాల్పులు జరిపారు. దీంతో నిందితుడు తీవ్రంగా గాయపడ్డాడు. దుండగుడు సహా క్షతగాత్రులను ఆసుపత్రికి తరలించారు. అయితే కాల్పుల వెనుక కారణాలు తెలియరాలేదు. ఘటన నేపథ్యంలో ఆ ప్రాంతమంతా ముమ్మర తనిఖీలు చేపట్టారు.