దంగల్ మూవీ తో బ్లాక్ బస్టర్ హిట్ అందుకున్న అమిర్ ఖాన్ తాజాగా సీక్రెట్‌ సూపర్‌స్టార్‌ మూవీ తో ప్రేక్షకుల ముందుకు రాబోతున్నాడు. అద్వైత్‌ చందన్‌ దర్శకత్వం లో ఆమిర్‌ ఖాన్‌, జైరా వాసిం ప్రధాన పాత్రల్లో తెరకెక్కుతున్న ఈ మూవీ ఫస్ట్ లుక్ ను కొద్దీ సేపటి క్రితం చిత్ర యూనిట్ అధికారికంగా విడుదల చేసారు.
ఈ ఫస్ట్ లుక్ లో జైరా వాసిం స్కూల్‌ డ్రెస్‌ వేసుకుని నడుచుకుంటూ వెళుతున్నట్లు కనిపించింది. ఈ చిత్రంలో జైరా వాసిం గాయని కావాలని ఆశపడుతుంది. కానీ తన తండ్రి రోజూ తాగి వచ్చి తనని, అమ్మని చిత్రహింసలు పెడుతుంటాడు. తన తల్లిని తాగుబోతు తండ్రి నుంచి కాపాడుకుని తన ఆశయం ఎలా నెరవేర్చుకుంటుంది అన్న నేపథ్యంలో ఈ చిత్రాన్ని తెరకెక్కిస్తున్నారు. ఆమిర్‌ ఖాన్‌ ప్రొడక్షన్స్‌ బ్యానర్‌పై ఆమిర్‌ ఈ చిత్రాన్ని నిర్మిస్తున్నారు. ఈ చిత్ర ట్రైలర్‌ ఆగస్టు 2న విడుదల కాబోతుంది. దీపావళికి ఈ చిత్రం ప్రేక్షకుల ముందుకు రానుంది.