దుబాయ్‌ వరల్డ్‌ ట్రేడ్‌ సెంటర్‌ దగ్గర బిగ్గెస్ట్‌ ఔట్‌ డోర్‌ ఎంటర్‌టైన్‌మెంట్‌ థీమ్‌ పార్క్‌లో మాధేష్‌ వరల్డ్‌ సమ్మర్‌ సర్‌ప్రైజెస్‌తో సరికొత్తగా వినియోగదారుల్ని అలరించనుంది. ఈ సమ్మర్‌ బజార్‌లో పెద్ద సంఖ్యలో ఇంటర్నేషనల్‌ హ్యాండీక్రాఫ్ట్స్‌, టాయ్స్‌, బేబీ ఐటమ్స్‌, లోకల్‌ ఇంటర్నేషనల్‌ ఫుడ్స్‌ సహా అనేక ఆకర్షణీయమైన ప్రోడక్ట్స్‌ వినియోగదారుల కోసం సిద్ధంగా ఉన్నాయి. మాదేష్‌ వరల్డ్‌, సమ్మర్‌ బిగ్‌ బజార్‌ హాల్‌ నెంబర్‌ 7లో సందర్శకుల కోసం కొలువుదీరాయి. 8 వారాలపాటు ఈ షాపింగ్‌ వినియోగదారుల్ని అలరించనుంది. ప్రత్యేకమైన షాపింగ్‌ అనుభూతి షాపింగ్‌ ప్రియులకు కల్గించనున్నట్లు నిర్వాహకులు తెలిపారు. చైనా, గ్రీస్‌, టర్కీ, ఇటలీ, మలేసియా, థాయ్‌లాండ్‌, ఇండియా, పాకిస్తాన్‌, యూఏఈ, యెమెన్‌ సహా పలు దేశాలకు చెందిన ఉత్పత్తులు ఈ ఈవెంట్‌లో ప్రధాన ఆకర్షణ కానున్నాయి. ప్రవేశం ఉచితం. అత్యద్భుతమైన ఆఫర్లు, డిస్కౌంట్లు ఈ ఎగ్జిబిషన్‌లో వినియోగదారులకోసం సిద్ధంగా ఉన్నాయి.