రొయ్యల్లోని సెలీనియమ్‌ క్యాన్సర్‌ కారకాలను అడ్డుకుంటుంది. ఒమెగా 3 ఫ్యాటీ ఆసిడ్స్‌ గుండె రక్త నాళాల్లో పూడికలు రానివ్వదు. రక్తసరఫరాకు అడ్డుపడే కొవ్వును తొలగిస్తుంది. దీంతో రక్తసరఫరా సాఫీగా సాగుతుంది. పళ్లు, ఎముకలు బలవర్ధకంగా ఉండేందుకు కాల్షియం అవసరం. రొయ్యల ద్వారా ఆ శక్తి లభిస్తుంది. చర్మకాంతికి తోడ్పడే ‘విటమిన్‌ ఇ’, విటమిన్‌ బి 12 లభిస్తాయి. శరీరనిర్మాణ కణాల అభివృద్ధికి ఉపకరించే సత్తువ కూడా రొయ్యలతో వస్తుంది. రొయ్యల్లో తక్కువ క్యాలరీలు ఉండటం వల్ల బరువు నియంత్రణలో ఉంటుంది. ఒక పెద్ద రొయ్యతో రెండు గ్రాముల కొవ్వు, ముప్పయి గ్రాముల ప్రొటీన్‌, 125 మిల్లీగ్రాముల ఖనిజాలు లభిస్తాయి. రొయ్యలు రుచికరంగా ఉంటాయి కదాని.. ఎక్కువ నూనెతో వేయించిన వేపుళ్లను తినకూడదు. తక్కువ నూనె వాడి చేసిన కూరలు, వేపుళ్లను తినొచ్చు. మోతాదుకు మించి తినొద్దు.