షార్జాలో కల్బా మీదుగా సాగే కొత్త రోడ్డుపై స్పీడ్‌ లిమిట్‌ని షార్జా పోలీసులు ప్రకటించారు. చిన్న వాహనాలకి గరిష్ట వేగం 80 కిలోమీటర్లుగా, హెవీ వెహికిల్స్‌, ట్రక్స్‌కి 60 కిలోమీటర్ల వేగం గరిష్టంగా నిర్ధారించారు. వాహనదారులు రోడ్డుపై తగిన వేగంతో ప్రయాణించాలనీ, వేగ నియంత్రణ పాటించడం ద్వారా ప్రమాదాల నియంత్రణకు సహకరించాలని పోలీసు అధికారులు విజ్ఞప్తి చేశారు. ట్రాఫిక్‌ ఉల్లంఘనల్ని అరికట్టేందుకోసం ఎక్కడిక్కడ ట్రాఫిక్‌ పెట్రోల్స్‌ని ఏర్పాటు చేశారు. అత్యవసర సమయాల్లో వైద్య సహాయం అందించేందుకు అంబులెన్స్‌లనూ వినియోగిస్తున్నారు. అతి వేగం ప్రమాదాలకు ముఖ్య కారణమని, ఈ విషయాన్ని వాహనదారులు దృష్టిలో పెట్టుకోవాలని అధికారులు సూచించారు.