మెగాస్టార్ చిరంజీవి తన పుట్టిన రోజును ఉయ్యాలవాడ నరసింహరెడ్డి చిత్ర యూనిట్ తో జరుపుకున్నారు.. హైదరాబాద్ లోని ఒక ఫంక్షన్ హాలులో జరిగిన ఈ వేడుకల్లో చిరంజీవి అశేష అభిమానుల సమక్షంలో కేక్ కట్ చేసి బర్త్ డే వేడుకలను ప్రారంభించారు.. ఈ సందర్భంగా తన 151వ మూవీ ఉయ్యాలవాడ నరసింహరెడ్డి మోషన్ పోస్టర్ ను దర్శకధీరుడు రాజమౌళి ఆవిష్కరించారు..ఈ పోస్టర్ లో చిరంజీవి లుక్ అదిరిపోయేలా ఉంది.ఈ మూవీకి రామ్ చరణ్ నిర్మాత. సురేందర్ రెడ్డి దర్శకుడు. ఇది ఇలా ఉంటే చిరంజీవి పుట్టిన రోజు సందరర్భంగా అనేక ప్రాంతాలలో ఆయన అబిమానులు మెగా రక్తదాన శిబిరాలు ఏర్పాటు చేశారు.. పెద్ద సంఖ్యలో ఆయన అభిమానులు రక్తదానం చేస్తున్నారు. ఇక మెగాస్టార్ కు పలువురు రాజకీయ, సినీ ప్రముఖులు , అభిమానులు జన్మదిన శుభాకాంక్షలు తెలిపారు.