తమిళ స్టార్ హీరో అజిత్ నటించిన వివేగం (తెలుగు లో వివేకం) నిన్న ప్రపంచ వ్యాప్తంగా గ్రాండ్ గా రిలీజ్ సూపర్ హిట్ టాక్ సొంతం చేసుకుంది. ఇక తమిళనాట అజిత్ ఫ్యాన్స్ సంబరాలు మాములుగా లేవు. శివ - అజిత్ కాంబినేషన్ లో మూడో సినిమా గా వివేగం రావడం బ్లాక్ బస్టర్ హిట్ కావడం తో థియేటర్స్ దగ్గర పాలాభిషేకం చేస్తూ తమ అభిమానాన్ని చాచుకుంటున్నారు.
మరోపక్క అజిత్ , సూపర్ స్టార్ రజనీకాంత్ రికార్డ్స్ ను వివేగం తో చెరిపివేసి, అజిత్‌ మరోసారి కింగ్‌ ఆఫ్‌ ద ఓపెనింగ్‌ అనిపించుకున్నారు. తొలిరోజున చెన్నై సిటీ బాక్సాఫీసు వద్ద వసూళ్ల దుమ్మురేపింది. ఇప్పటి వరకు ఓపెనింగ్స్‌లో ముందున్న రజనీకాంత్‌ 'కబాలి', విజయ్‌ 'తెరి' చిత్రాల రికార్డులను (కేవలం చెన్నై సిటీ బాక్సాఫీసు వద్ద) 'వివేకం' వెనక్కినెట్టి.. రూ. 1.21 కోట్లు రాబట్టిందని సినీ విశ్లేషకులు పేర్కొన్నారు.
ఓపెనింగ్‌ రోజున 'కబాలి' రూ. 1.12 కోట్లు, 'తెరి' రూ. 1.05 కోట్లు రాబట్టాయి.