కథానాయకుల కాపురాలు కలకాలం నిలవవు. ఎవరు ఎప్పుడు బ్రేకప్ చేబుతారో ఎవరికీ తెలియదు.  ‌విడిపోవడానికి వివిధ కారణాలు చూపిస్తారు.  అప్పటి వరకు అతను/ఆమెలో కనిపించిన పాజిటివ్స్ అన్నీ ఒక్కసారిగా నెగిటివ్స్‌గా మారిపోతాయి. పంతాలు, పట్టింపులు కలిసి బతకడానికి అడ్డుగోడలుగా మారిపోతాయి.  వారి గురించి ఎవరైనా మాట్లాడితే చిర్రెత్తుతుంటారు. ఇలాంటిదే గౌతమి, కమల్ హాసన్‌ల జీవితం కూడా. 13 ఏళ్ల తమ అనుబంధాన్ని ఒక్కసారిగా కాదనుకున్నారు.  కారణాలు ఏమైతేనం విడిపోయి ఎవరి జీవితాలు వారు చూసుకుంటున్నారు.  అయితే వీరు మళ్లీ కలిసి జీవించబోతున్నారని కోలీవుడ్‌లో వార్తలు హల్ చల్ చేస్తున్నాయి.  ఈ నేపథ్యంలో ఓ ఛానల్ ఏకంగా ఒక వార్తా కథనాన్ని కూడా ప్రసారం చేసింది. ఈ వార్తల్ని గౌతమి ఖండిస్తూ, తీవ్రంగా స్పందించింది.  వాస్తవ విషయాల గురించి మాట్లాడమంటూ ఘాటుగా విమర్విస్తూ ట్వీట్ చేశారు.  ఇదిలా ఉండగా ఆమె నటించిన మళయాళ చిత్రం 'ఈ' ఇటీవల విడుదలైంది.