తెలంగాణలో మరో రెండు రోజులు మోస్తరు నుంచి భారీ వర్షాలు కురుస్తాయని వాతావరణ శాఖ తెలిపింది. చత్తీస్ గఢ్ నుంచి తమిళనాడు వరకు ఉపరితల ఆవర్తనం ఏర్పడినట్లు పేర్కొంది. శని, ఆదివారాల్లో తెలంగాణతో పాటు ఆంధ్రప్రదేశ్ లోని కోస్తా, రాయలసీమల్లో  పలుచోట్ల భారీ వర్షాలు కురిసే అవకాశముందని వివరించింది. దక్షిణ కోస్తా తీరంలో 45 నుంచి 50కిలోమీటర్ల వేగంతో గాలులు వీస్తాయని, మత్స్యకారులు అప్రమత్తంగా ఉండాలని వాతావరణ శాఖ హెచ్చరించింది.