ఎల్‌ఐసి (ఇంటర్నేషనల్‌) బహ్రెయిన్‌, 20 శాతం వృద్ధితో 288 మిలియన్‌ యూఎస్‌ డాలర్స్‌ ఫస్ట్‌ ప్రీమియం ఆదాయాన్ని నమోదు చేసింది. ఈ ఏడాది ఎనిమిది నెలల్లో అనూహ్య ప్రగతి సాధించినట్లు అధికారులు పేర్కొన్నారు. బోర్డ్‌ ఆఫ్‌ డైరెక్టర్స్‌ ఆఫ్‌ ఎల్‌ఐసి 99వ సమావేశం సందర్భంగా ఈ వివరాల్ని వెల్లడించారు. ఎల్‌ఐసి ఆఫ్‌ ఇండియా ఛైర్మన్‌ వికె శర్మ, ఎల్‌ఐసి ఆఫ్‌ ఇండియా మేనేజింగ్‌ డైరెక్టర్‌ ఉషా సాంగ్వాన్‌, ఇంటర్‌కోల్‌ డైరెక్టర్‌ అబ్దుల్‌ రహ్మాన్‌ అలి అల్వాజ్జాన్‌, ఎల్‌ఐసి ఇంటర్నేషనల్‌ బహ్రెయిన్‌ సిఇఓ మరియు ఎండీ రాజేష్‌ కండ్వాల్‌ ఈ కార్యక్రమానికి హాజరయ్యారు. కంపెనీ సెక్రెటరీగా పికె అరోరా నియామకాన్ని ఈ సందర్బంగా బోర్డ్‌ వెల్లడించింది.