కువైట్: దేశంలోకి 4,000 సీసాలు విదేశీ మద్యాన్ని అక్రమంగా రవాణా చేసేందుకు కొందరు ప్రయత్నించగా  అధికారులు అక్రమార్కుల ఆట కట్టించారు. ఒక ట్రక్ లో నిర్మాణ సామగ్రిని తరలిస్తున్నట్లు భ్రమింపచేసి అడుగుభాగాన 4 వేల విదేశీ మద్యం సీసాల పెట్టెలను రహస్యంగా దాచిపెట్టారు. వాహనంను పరిశీలించి వెదికిన  అధికారులు నిర్మాణ సామగ్రి అడుగుభాగాన 500 పెట్టెల విస్కీని కనుగొన్నారు. ఈ మద్యం విలువ ఒక మిలియన్ డినార్ల విలువ చేస్తుందని వారు అంచనా వేశారు. ఈ అక్రమ రవాణాకు పాల్పడిన ట్రక్కు యజమానులను పిలిచేందుకు కస్టమ్స్ అధికారులు చర్యలు తీసుకోనున్నారు. ఆ మద్యం సీసాల అక్రమ రవాణా విషయమై ప్రశ్నించేందుకు ఆ ట్రక్కును స్వాధీనం చేసుకున్నారు.