మనామా: లేబర్‌ మార్కెట్‌ రెగ్యులేటింగ్‌ అథారిటీ, అక్రమ ఉద్యోగాల కల్పనపై ఉక్కుపాదం మోపేందుకు ప్రత్యేక ఏర్పాట్లు చేస్తోంది. వివిధ లా ఎన్‌ఫోర్స్‌మెంట్‌ విభాగాలతో కలిసి సమావేశాలు నిర్వహించామనీ, అక్రమ ఉద్యోగాల కల్పనపై కఠినంగా వ్యవహరిస్తామని అధికారులు పేర్కొన్నారు. నేషనాలిటీ, పాస్‌పోర్ట్‌ అండ్‌ రెసిడెన్సీ ఎఫైర్స్‌ - ఇంటీరియర్‌ మినిస్ట్రీ, పోలీస్‌ డైరెక్టరేట్స్‌, ఎల్‌ఎంఆర్‌ఎ ఇన్‌స్పెక్షన్‌ డిపార్ట్‌మెంట్‌ హెడ్స్‌ ఈ సమావేశంలో పాల్గొన్నారు. ఇన్‌స్పెక్షన్‌ క్యాంపెన్స్‌ ఇకపై మరింత ఉధృతంగా జరుగుతాయనీ, అక్రమ ఉద్యోగాల కల్పనకు పాల్పడుతున్న సంస్థలపైనా, స్ట్రీట్‌ వెండర్స్‌పైనా కఠిన చర్యలు తీసుకుంటామని అధికారులు తెలిపారు. ఈ సమావేశంలో ఇటీవల అమల్లోకి వచ్చిన ఫ్లెక్సిబుల్‌ వర్క్‌ పర్మిట్స్‌ అంశంపైనా చర్చ జరిగింది.