వరుస విజయాలతో దూసుకెళ్ళేతున్న నాని , తాజాగా నిర్మాత గా తన అదృష్టాన్ని పరీక్షించుకోబోతున్నాడు. షార్ట్ ఫిల్మ్స్ ద్వారా మంచి గుర్తింపు తెచ్చుకున్న ప్రశాంత్ వర్మతో నాని ఓ సినిమా నిర్మించడానికి నిర్ణయం తీసుకున్నాడట. ఇటీవల ప్రశాంత్ వర్మ చెప్పిన ఆసకికరమైన కథ నచ్చడంతో నాని ఈ ప్రాజెక్టును నిర్మించాలని అనుకుంటుకున్నారట.
ప్రస్తుతం ప్రీ ప్రొడక్షన్ దశలో ఉన్న ఈ ప్రాజెక్ట్ కోసం పెద్ద పెద్ద నటుల్ని కలవడం జరిగిందని, వాళ్ళు కూడా చేయడానికి సుముఖంగానే ఉన్నారని తెలుస్తోంది. అయితే ఈ విషయంపై నాని వైపు నుండి ఇంకా ఎలాంటి అధికారిక ప్రకటన బయటకురాలేదు. నానికి మొదటి నుండి నిర్మాతగా రాణించాలనే కోరిక బలంగా ఉంది. అందుకే ఓ మంచి కథ తో నిర్మాత గా రావాలని చూస్తున్నాడు. ప్రస్తుతం దిల్ రాజు బ్యానర్ లో ఎంసిఏ చిత్రం చేస్తున్నాడు. ఇప్పటికే నేను లోకల్ , నిన్ను కోరి చిత్రాలతో ఈ ఏడాది ప్రేక్షకుల ముందుకు వచ్చాడు.