డిప్యూటీ ఇంటీరియర్‌ మినిస్ట్రీ ఫర్‌ ఆపరేషన్‌ ఎఫైర్స్‌ మరియు జనరల్‌ సూపర్‌వైజర్‌ ఆఫ్‌ పబ్లిక్‌ సెక్యూరిటీ లెఫ్టినెంట్‌ జనరల్‌ సయీద్‌ బిన్‌ అబ్దుల్లా అల్‌ ఖాహ్తాని, హెడ్‌క్వార్టర్స్‌ని సందర్శించి అక్కడి సెక్యూరిటీ ఫోర్సెస్‌తో సమావేశమయ్యారు. క్రౌడ్‌ కంట్రోల్‌ ప్లాన్‌పై అధికారులతో రివ్యూ సమావేశం నిర్వహించారాయన. కమాండర్‌ ఆఫ్‌ హజ్‌ సెక్యూరిటీ ఫోర్సెస్‌ లెఫ్టినెంట్‌ జనరల్‌ ఖాలిద్‌ అల్‌ హబ్రి వెల్లడించిన వివరాల ప్రకారం, ఫోర్సెస్‌ మినాలోని స్టేషన్‌ నిర్వహించిన డ్రిల్‌ని పరిశీలించినట్లు చెప్పారు. రైల్వే స్టేషన్లలోకి వచ్చే యాత్రీకులకు ఎలాంటి ఇబ్బందీ కలుగరాదనీ, ముందస్తుగా ఆయా అంశాలపై మాక్‌ డ్రిల్స్‌ నిర్వహించి, వాటి ఫలితాలను విశ్లేషించి తగిన చర్యలు చేపట్టాలని అధికారుల్ని అబ్దుల్లా అల్‌ ఖహ్తాని సూచించారు. పర్యటన సందర్భంగా, సిబ్బంది చేపడ్తున్న చర్యల పట్ల సంతృప్తి వ్యక్తం చేశారాయన. మరింత మెరుగైన సేవలు అందించే క్రమంలో ఎక్కడా అలసత్వం వహించరాదని ఆయన సూచించారు.