కూతురికి ఏ తండ్రైనా బంగారం, బాగా డబ్బుంటే ఓ బంగ్లా కూడా బహుమతిగా ఇస్తాడు. తన కూతురు అత్తారింట్లో ఏ లోటు లేకుండా ఆనందంగా ఉండాలని కోరుకుంటాడు. అంతవరకే ఆలోచిస్తాడు. పశ్చిమ బెంగాల్ హుగ్లీకి చెందిన అలోక్ బసు అనే వ్యక్తి ఇటీవల తన కుమార్తె అల్ఫా బసుకి వివాహం జరిపించాడు.  అయితే వరుడి తరపు వారు ఎలాంటి కట్న కానుకలు కోరలేదు. దీంతో అలోక్ సమాజానికి ఉపయోగపడే వస్తువుని తన కూతురికి బహుమతిగా ఇవ్వాలనుకున్నాడు. అనుకోవడమే కాకుండా ఆచరణలో చూపించారు.  అంబులెన్స్ బహుమతిగా ఇచ్చి ఆపదలో ఉన్న వారికి సహాయం చేయమని కూతురిని కోరారు. ఎక్కడైనా ఏదైనా యాక్సిడెంట్ జరిగితే ఫొటోలు తీసి సోషల్ మీడియాలో పోస్ట్ చేయడం కాకుండా తక్షణ వైద్య సహాయం అందేలా చూడాలని ఈ సందర్భంగా అందరికీ విజ్ఞప్తి చేశారు. సమాజ శ్రేయస్సు కోరే ఈ తండ్రికి వందనం.