అబుదాబీ: కారులో ఆరు గంటల పాటు చిన్నారిని వదిలేయడంతో ఊపిరాడక ఆ చిన్నారి మృతి చెందిన ఘటన అబుదాబీలో చోటు చేసుకుంది. అబుదాబీ పోలీసులు ఈ విషయాన్ని ధృవీకరించారు. ఈ ఘటనలో ఆరేళ్ళ చిన్నారి ప్రాణాలు కోల్పోవడం బాధాకరమని పోలీసులు తెలిపారు. కార్లలో పిల్లల్ని వదిలిపెట్టే తల్లిదండ్రులు, వారి మృతికి కారణమవుతున్నారని పోలీసులు చెప్పారు. ఎట్టి పరిస్థితుల్లోనూ తల్లిదండ్రులు తాము లేకుండా తమ పిల్లల్ని కార్లలో వదిలెయ్యరాదని హెచ్చరించారు. ఎయిర్‌ కండిషన్‌ ఆన్‌లో ఉన్నాసరే, భయంతో పిల్లలు మృతి చెందే అవకాశాలు ఉన్నాయని పోలీసులు తెలిపారు. కొద్ది నిమిషాల పాటే అయినాసరే, పిల్లల్ని ఎట్టిపరిస్థితుల్లోనూ ఒంటరిగా కార్లలో వదిలెయ్యరాదని చెప్పారు పోలీసులు.