మెగాస్టార్ చిరంజీవి చేయబోతున్న 151 మూవీ సెట్స్ ఫై ఉండగానే అంచనాలను పెంచేస్తుంది. ఇప్పటివరకు తెలుగు లో తెరకెక్కని విధంగా ఈ సినిమాను నిర్మించాలని నిర్మాత రామ్ చరణ్ ప్లాన్ చేస్తున్నాడు. భారీ కాస్ట్ & క్రూ ను దించుతున్నాడు. స్వాతంత్ర్యానికి ముందు ఉన్న వాతావరణాన్ని కళ్ళకు కట్టేలా చూపడం కోసం చిత్ర యూనిట్ కష్టపడుతున్నారు. 

ఇందులో భాగంగానే చిరంజీవికి అప్పటి కాలం నాటి కాస్ట్యూమ్స్ డిజైన్ చేయడం కోసం బాలీవుడ్ డిజైనర్ అంజు మోడీని రంగంలోకి దింపారు చిత్ర యూనిట్. గతం లో ఈమె 'రామ్ లీల, బాజీరావ్ మస్తాని' వంటి హిట్ సినిమాలకు కాస్ట్యూమ్ డిజైనర్ గా పనిచేసి గుర్తింపు తెచ్చుకుంది. ప్రస్తుతం చిరంజీవి మీద లుక్ టెస్ట్ జరుగుతోందని త్వరలోనే సినిమాకు కావాల్సిన కాస్ట్యూమ్స్, ఆభరణాల డిజైన్లను రూపొందిస్తారని అంటున్నారు. స్వతహాగా డిజైనర్ అయిన, 'ఖైదీ నెం 150' కి పనిచేసిన చిరు కుమార్తె సుస్మిత కూడా ఆమెకు సహాయంగా ఉండనుంది. ఈ మూవీ లో నయనతార మెయిన్ హీరోయిన్ కాగా రెండో హీరోయిన్ గా ప్రగ్య ఛాన్స్ కొట్టిసినట్లు తెలుస్తుంది. సురేందర్ రెడ్డి ఈ మూవీ ని డైరెక్ట్ చేయనున్నాడు.